၃၂-ကောဋ္ဌာသကမ္မဋ္ဌာန်းနှင့် ဆရာတော်ဘုရားများ၏သြ၀ါဒ

တရားရှာ ကိုယ်မှာတွေ့

န ဣတော ဒူရေ ဘ၀ိတဗ္ဗံ၊ ဘ၀ဂ္ဂံ ကိံ ကရိဿတိ။
ပစ္စုပ္ပန္နမှိ ဝေါဟာရေ၊ သကေ ကာယမှိ ၀ိန္ဒထ။
ဤဒေသနာတော်အရ မိမိကိုယ်ကာယ ကောဋ္ဌာသအတွင်း၌သာ ဉာဏ်သွင်းပြီးကာ တရားရှာကြပါကုန်၊ မပင်မပန်း ချမ်းချမ်းသာသာ တရားအရသာ တွေ့ရလတ္တံ့။ (ဒွတ္တိံသာလောကဒီပနီးကျမ်းပြု-နံယောဆရာတော်) ။


သာသနာ့အမွေအနှစ်

ရှင်ပြုတဲ့အခါ ပဉ္စင်းခံတဲ့အခါ တစပဉ္စက ကမ္မဋ္ဌာန်းစီးဖြန်းပြီး ခေါင်းရိတ်တာဟာ ယခုဘ၀မှာပင်လျှင် အရဟတ္တဖိုလ်ရပြီး အာသဝေါကင်းကွာတဲ့ ရဟန္တာဖြစ်နိုင်တယ်။ ယခုဘ၀ မဖြစ်တောင်မှ အဲဒီကုသိုလ်က နောင်မှာ အရဟတ္တဖိုလ်ရဘို့ ဧကန်အထောက်အပံ့ဖြစ်သွားတယ်တဲ့ သာသနာ့အမွေအနှစ်ဆိုတာဒါပါပဲ။
(ဓမ္မအမွေစာအုပ်မှ၊ မကွေးဆရာတော်)

ရဟန်းဖြစ်စေ, ဒကာ ဒကာမ ဖြစ်စေ

မာတိကာရွာကို ဂေါစရဂါမ်အဖြစ်ဖြင့် အမှီပြု၍ တရားကို အားထုတ်တော်မူကြသော ခြောက်ဆယ်သော ရဟန်းတို့သည် ဤကောဋ္ဌာသကမ္မဋ္ဌာန်းဖြင့်သာလျှင် အာသဝေါကင်းကွာ ရဟန္တာအဖြစ်သို့ ရောက်တော်မူကြကုန်ပြီ။ မာတိကာမာတာ ဥပါသိကာမကြီးသည်လည်း ထိုရဟန်းတော်များထံမှ ကောဋ္ဌာသကမ္မဋ္ဌာန်းကို သင်ယူအားထုတ်သဖြင့် အဘိညာဏ်နှင့်တကွ အနာဂါမိဖိုလ်သို့ ရောက်လေပြီ။ သို့ကြောင့် ရဟန်းဖြစ်စေ, ဒကာ ဒကာမဖြစ်စေ တရားကို ဆန္ဓာဓိပတိပစ္စည်းတပ်သောဆန္ဒ၊ ထို့အတူ  အဓိပတိပစ္စည်းတပ်သော ၀ီရိယတို့ဖြင့် အားထုတ်ပါမူ တရားထူးကို ရနိုင်ကြသည်သာဖြစ်သည်ကို ယုံကြည်သော သဒ္ဓါဖြင့် အားထုတ်ကြကုန်ရာသည်။  (ကာယာနုပဿနာကျမ်း၊ စစ်ကိုင်း-ရွှေဟင်္သာဆရာတော်)။


ပြန်၍-လေ့လာရမည့် နည်းမှန်တရား

ကာယကို သတိဖြင့်စိုက်၍ ရှုရာ၌ "အတ္ထိ ဣမသ္မိံ ကာယေ- ကေသာ လောမာ" စသည်ဖြင့် ရှေးဘုန်းတော်ကြီးများကျောင်း၌ ကလေးအရွယ် ကျောင်းသားသူငယ် ဘ၀မှစ၍ သင်ပြရိုးဖြစ်သော ကောဋ္ဌာသကမ္မဋ္ဌာန်းကိုလည်း ပြထားတော်မူ၏၊ ထို့ကြောင့် နောက်နောင်အခါ သာသနာ ဘာသာကို အသားကျ ပြုပြင်ရာ၌ မြန်မာ ဗုဒ္ဓဘာသာဝင်တို့ ပြန်၍ လေ့လာရမည့် သမားရိုးကျတရား, အခြေခံ နည်းမှန်တရားဖြစ်ကြောင်းကို သတိပြုသင့်ကြပါသည်။ (သတိပဋ္ဌာန၀ိဘင်းအမှာစာ-ဘာသာဋီကာဆရာတော်) ။

အထက်ဈာန်နှင့် မဂ်ဖိုလ်ကူးလိုသော်

ကာယဂတာသတိ ကောဋ္ဌာသ အသုဘအာရုံဖြင့် ပထမဈာန်ကို ရပြီး၊ ထက်သန်အားကောင်းအောင်၊ မြဲမြံခိုင်ခံအောင်၊ ၀သီဘော်နိုင်အောင် ပြုပြီးသော ယောဂီပုဂ္ဂိုလ်သည် အထက်ဒုတိယဈာန်စသည်တို့ကို တက်လို ဖြစ်လိုသောအခါ ကောဋ္ဌာသတို့ကို အဆင်းကို နှလုံးသွင်း၍ ၀ဏ္ဏကသိုဏ်းဖြစ်အောင် ရှုအပ်၏။ တက်ရာ၏။
မဂ်ဖိုလ်ကို ကူးလိုသောအခါ ပထ၀ီဓာတ် ၂၀၊ အာပေါဓာတ် ၁၂-ပါး၊ ဝေဖန်ပိုင်းခြား၍ ဓာတ် သုညတအနေရှု၍တက်အပ်၏။ တက်ရာ၏။
(ကမ္မဋ္ဌာန်းကျမ်းကြီးစာအုပ်မှ၊လယ်တီဆရာတော်) ။

ဉာဏ်မျက်လုံးနဲ့ ကြည့်ရမှာ

ဒီခန္ဓာကြီးက (၃၂)ကောဋ္ဌာသ စုပေါင်းပြီးထားတဲ့အတွက်ကြောင့် သုဘလား၊ အသုဘလား?
"အသုဘပါဘုရား"

အသုဘခန္ဓာကြီးက ဘာသစ္စာပါလိမ့်?
"ဒုက္ခသစ္စာပါဘုရား"

မြင်တဲ့ဉာဏ်က?
"မဂ္ဂသစ္စာပါဘုရား"

ချစ်တတ်တဲ့ တရားတွေက?
"သမုဒယသစ္စာပါဘုရား"

အကြောင်းသမုဒယချုပ်လို့ အကျိုးဒုက္ခမလာတဲ့နေရာက?
"နိရောဓသစ္စာပါဘုရား"

နိရောဓသစ္စာဆိုတာ တခြားလား၊ နိဗ္ဗာန်လား?
"နိဗ္ဗာန်ပါဘုရား"

(အချစ်ဆုံးကို မုန်းလိုက်ပါစာအုပ်၊အောင်စကြာဆရာတော်) ။


သစ္စာ ၄-ဖြာ ပွင့်ချပ်လွှာ

(၁) သုံးဆယ့်နှစ်ဝ ကောဋ္ဌာသ ရုပ်အစုပေါ်ဝယ်၊ စက်ဆုပ်ရွံရှာဖွယ်ဟု ပွားရှုစေ့စေ့-အောက်မေ့မှတ်ထင်-ဆင်ခြင်သိပ်သည်း၊ သိမ်းဆည်းတတ်သော သတိသည် ဒုက္ခသစ္စာ မည်ပါပေ၏။

(၂) ထိုဒုက္ခသစ္စာ-ဖြစ်ပေါ်လာခြင်း-အကြောင်းရင်းမှန်လှ-ရှေးဘ၀က ပြီးခဲ့ရသော လောဘတဏှာသည် သမုဒယသစ္စာ မည်ပါပေ၏။

(၃) ထိုဒုက္ခ+သမုဒယ၊ နှစ်ဝသစ္စာ၊ မဖြစ်ပေါ်ရာ၊ ချုပ်ငြိမ်းရာမှန်လှ အသင်္ခတဓာတ်-နိဗ္ဗာန်မြတ်သည် နိရောဓသစ္စာ မည်ပါပေ၏။

(၄) ထိုနိရောဓသစ္စာ-ချုပ်ငြိမ်းရာလျှင်-ကောင်းစွာစွဲထုံ-အာရုပြုညွှန်-ကောင်းမွန်လွန်မြတ်၊ အကျင့်ဟုဆိုအပ်သော မဂ္ဂင်တရားကိုယ်ရှစ်ပါးသည် မဂ္ဂသစ္စာ မည်ပါပေ၏။

ဤသို့လျှင်-သုံးဆယ့်နှစ်ဝ-ကောဋ္ဌာသ ရုပ်အစုဝယ်-သိပါယ်ဆိုက်ပွား-လေးပါးသစ္စာ-ပွင့်ချပ်လွှာတို့၏ အစွမ်းအားဖြင့်လည်း-ကြိုးစားလုံ့လ-ဥဿာဟပြုကြ၍ ဒုက္ခ - သမုဒယအပေါင်းတို့၏ ခေါင်းပါးချုပ်ငြိမ်းရာ နိရောဓသစ္စာ-  နိဗ္ဗုတာသို့ မြန်စွာရောက်ကြောင်း လမ်းကောင်းအကျော်-လမ်းမတော်မှန်လှ မဂ္ဂသစ္စာဘာဝနာကို ကောင်းစွာမသွေ ပွားများအားထုတ်နိုင်ကြပါစေကုန်သတည်း။
(သုံးဆယ့်နှစ်ဝ ကောဋ္ဌာသ ပွားကြဘာဝနာကျမ်း၊ ပခုက္ကူ-ရုပ်စုံဆရာတော်)


ဝိဇယသုတ္တန်တရားတော်

၃၂-ကောဋ္ဌာသ ဒွတ္တိံသာကာရကမ္မဋ္ဌာန်းဖြင့် ပဋိကူလသညာ-ပထမဈာန်။ အရောင် ၄-မျိုး တမျိုးမျိုး စတုတ္ထဈာန်။ ဓာတ် ၂-မျိုး တမျိုးမျိုးမှာ ဖြစ်ရင် အရဟတ္တဖိုလ်တိုင်ရောက်တဲ့ ကမ္မဋ္ဌာန်း။

လောကီရော၊ လောကုတ္တရာရော၊ သမထရော၊ ၀ိပဿနာရော၊ အမျိုးမျိုးစုံတဲ့ ဒွတ္တိံသာကာရကမ္မဋ္ဌာန်း။
(သီတဂူဆရာတော် ဒေါက်တာအရှင်ဉာဏိဿရ)


မှတ်ချက်။ ။ ကာယဂတာသတိ ကောဋ္ဌာသနှင့် ဒွတ္တိံသာကာရတို့သည် ပရိယာယ်ေ၀၀ုစ် စကားလှယ်သာကွာ၍ အတူတူပင်ဖြစ်သည်။(ကာယဂတာသတိကောဋ္ဌာသ ဘာဝနာ ပရိယာယံ ဒွတ္တိံသာကာရကမ္မဋ္ဌာနံ အာရဒ္ဓံ။ ခုဒ္ဒကပါဌအဋ္ဌကထာ)