ေကသာဒီသု ပဋိကူလေတာ ဥပ႒ိေတသု ကာယဂတာသတိ၀ေသန အသုဘကမၼ႒ာနံ ေဟာတိ၊ ၀ဏၰေတာ ဥပ႒ိေတသု ကသိဏကမၼ႒ာနံ(၀ဏၰကမၼ႒ာနံ) ေဟာတိ၊ ဓာတုေတာ ဥပ႒ိေတသု စတုဓာတု၀၀တၳာနကမၼ႒ာနံ ေဟာတိ၊ ေကသာတိဒီနိ စ ပဋိကူလေတာ ၀ဏၰေတာ ၀ါ ဥပ႒ိတာနံ တဒါရမၼဏာနိ စ်ာနာနိ၊ ဓာတုေတာ ဥပ႒ိတႆ ေတ စ ေကာ႒ာသာ တဒါရမၼဏာ စ ဓာတုဘာ၀နာ ေ၀ဒိတဗၺာ။ (ပဋိသမၻိဒါမဂ္၊ ႒၁၊ ႏွာ-၇၅-၇၆။)
ဣမံ ပန ကမၼ႒ာနံ ဘာေ၀တုကာေမန အာဒိကမၼိေကန ကုလပုေတၱန ၀ုတၱပၸကာရံ ကလ်ာဏမိတၱံ ဥပသကၤမိတြာ ဣဒံ ကမၼ႒ာနံ ဂေဟတဗၺံ။ ေတနာပိႆ ကမၼ႒ာနံ ကေထေႏၲန သတၱဓာ ဥဂၢဟေကာသလႅံ ဒသဓာ စ မနသိကာရေကာသလႅံ အာစိကၡိတဗၺံ။ တတၳ ၀စသာ မနသာ ၀ဏၰေတာ သဏၭာနေတာ ဒိသေတာ ၾသကာသေတာ ပရိေစၧဒေတာတိ ဧ၀ံ သတၱဓာ ဥဂၢဟေကာသလႅံ အာစိကၡိတဗၺံ။ (၀ိသုဒၶိမဂ္၊ ႒၁၊ ႏွာ-၂၃၃။)
ဧ၀ံ သတၱဓာ ဥဂၢဟေကာသလႅံ အာစိကၡေႏၲေန ပန ဣဒံ ကမၼ႒ာနံ အသုကသၼႎ သုေတၱ ပဋိကၠဴလ၀ေသန ကထိတံ၊ အသုကသၼႎ ဓာတု၀ေသနာတိ ဉတြာ အာစိကၡိတဗၺံ။ ဣဒဥွိ မဟာသတိပ႒ာေန* ပဋိကၠဴလ၀ေသေန၀ ကထိတံ။ မဟာဟတၳိပေဒါပမ** မဟာရာဟုေလာ၀ါဒ*** ဓာတု၀ိဘေဂၤသု**** ဓာတု၀ေသန ကထိတံ။ ကာယဂတာသတိသုေတၱ***** ပန ယႆ ၀ဏၰေတာ ဥပ႒ာတိ၊ တံ သႏၶာယ စတၱာရိ စ်ာနာနိ ၀ိဘတၱာနိ။ တတၳ ဓာတု၀ေသန ကထိတံ ၀ိပႆနာကမၼ႒ာနံ ေဟာတိ။ ပဋိကၠဴလ၀ေသန ကထိတံ သမထကမၼ႒ာနံ။ (၀ိသုဒၶိမဂ္၊ ႒၁၊ ႏွာ-၂၃၅။)
ဧ၀ံ သတၱဓာ ဥဂၢဟေကာသလႅံ အာစိကၡိတြာ အႏုပုဗၺေတာ နာတိသီဃေတာ နာတိသဏိကေတာ ၀ိေကၡပပဋိဗာဟနေတာ ပဏၰတၱိသမတိကၠမနေတာ အႏုပုဗၺမုဥၥနေတာ အပၸနာေတာ တေယာ စ သုတၱႏၲာတိ ဧ၀ံ ဒသဓာ မနသိကာရေကာသလႅံ အာစိကၡိတဗၺံ။ (၀ိသုဒၶိမဂ္၊ ႒၁၊ ႏွာ-၂၃၆။)
ဣတိ ဣဒံ သတၱ၀ိဓံ ဥဂၢဟေကာသလႅံ သုဂၢဟိတံ ကတြာ ဣဒဥၥ ဒသ၀ိဓံ မနသိကာရေကာသလႅံ သု႒ဳ ၀၀တၳေပတြာ ေတန ေယာဂိနာ ဥဘယေကာသလႅ၀ေသန ကမၼ႒ာနံ သာဓုကံ ဥဂၢေဟတဗၺံ။ (၀ိသုဒၶိမဂ္၊ ႒၁၊ ႏွာ-၂၄၀။)
ေကသာဒီနံ ၀ဏၰသဏၭာနဒိေသာကာသပရိေစၧဒ၀ေသန ဥပ႒ာနံ ဥဂၢဟနိမိတၱံ။ သဗၺကာရေတာ ပဋိကၠဴလ၀ေသန ဥပ႒ာနံ ပဋိဘာဂနိမိတၱံ။ တံ အာေသ၀ေတာ ဘာ၀ယေတာ ၀ုတၱနေယန အသုဘကမၼ႒ာေနသု ၀ိယ ပဌမဇၥ်ာန၀ေသေန၀ အပၸနာ ဥပၸဇၨတိ။ (၀ိသုဒၶိမဂ္၊ ႒၁၊ ႏွာ-၂၅၇။)
ဣမဥၥ ကာယဂတာသတိမႏုယုေတၱာ ဘိကၡဳ အရတိရတိသေဟာ ေဟာတိ၊ န စ နံ အရတိ သဟတိ၊ ဥပၸႏၷံ အရတႎ အဘိဘုယ် အဘိဘုယ် ၀ိဟရတိ။ ဘယေဘရ၀သေဟာ ေဟာတိ၊ န စ နံ ဘယေဘရ၀ံ သဟတိ၊ ဥပၸႏၷံ ဘယေဘရ၀ံ အဘိဘုယ် အဘိဘုယ် ၀ိဟရတိ။ ခေမာ ေဟာတိ သီတႆ ဥဏွႆ ဇိဃစၧာယ ပိပါသာယ ဍံသမကသ၀ါတာတပသရီသပသမၹႆာနံ ဒု႐ုတၱာနံ ဒုရာဂတာနံ ၀စနပထာနံ ဥပၸႏၷာနံ သာရီရိကာနံ ေ၀ဒနာနံ ဒုကၡာနံ တိဗၺာနံ ခရာနံ ကဋဳကာနံ အသာတာနံ အမနာပါနံ ပါဏဟရာနံ အဓိ၀ါသကဇာတိေကာ ေဟာတိ။ ေကသာဒီနံ ၀ဏၰေဘဒံ နိႆာယ စတုႏၷံ စ်ာနာနံ လာဘီ ေဟာတိ။ ဆ အဘိညာ ပဋိ၀ိဇၥ်တိ။
တသၼာ ဟေ၀ အပၸမေတၱာ၊ အႏုယုေဥၹထ ပ႑ိေတာ။
ဧ၀ံ အေနကာနိသံသံ၊ ဣမံ ကာယဂတာသတႎ။ (ဥပရိပဏၰာသ၊ ပါ၃၊ ႏွာ-၁၃၉။) (၀ိသုဒၶိမဂ္၊ ႒၁၊ ႏွာ-၂၅၇-၂၅၈။)
[ ခေရပြင့္ျပအမွတ္သားသုတ္မ်ား ။ ။ * မဟာသတိပ႒ာနသုတ္၊ ဒီ၊ ပါ၂၊ ႏွာ-၂၃၃။ ** မဟာဟတၳိပေဒါပမသုတ္၊ မ၊ ပါ၁၊ ႏွာ၂၄၂။ *** မဟာရာဟုေလာ၀ါဒသုတ္၊ မ၊ ပါ၂၊ ႏွာ-၈၄။ **** ဓာတု၀ိဘဂၤသုတ္၊ မ၊ ပါ၃၊ ႏွာ-၈၃။ ***** ကာယဂတာသတိသုတ္၊ မ၊ ပါ၃၊ ႏွာ-၁၃၂။ ]
